لقيت بالبخشة طيور بلا ريـــــش

[ضامي الشوق]

لقيت بالبخشة طيور بلا ريـــــش





الشباب هم عتاد المستقبل , وعليهم تبني الأمم أمجادها ومستقبلها , ولهم دور بارز في المجتمع

ولكن أي شباب ؟ .. انه ذاك الشباب الواعي المثقف الذي يتطلع الى خدمة دينه ووطنه , فما هي

يا ترى مواصفات ذلك الشباب : متدين بدين الاسلام وتعاليمه.. متعلم ..بعيدا عن الميوعة والدلال

مثقف ..واعي ..........

ولكن لا نهمل دور آباءنا وأجدادنا ( الشياب ) الذين أكملوا دورهم في الحياة , وبقي دورنا نحن

تجاههم والبر فيهم فهم الآن بركة لنا وسبب من اسباب الأجر والحسنات ........

لا أريد أن أطيل عليكم بل أترككم مع حوار شعري جرى بين شاعر( الشياب ) وشاعر ( الشباب )

- قال شاعر الشيــــــــاب :

لقيت بالبخشة طيور بلا ريش = جنحانها وأذنابها دقم وقصـــــــــــــار

طيور مرباها من السوق للحيش = وإلى أونست لفح الهواء تزبن الدار

فيهم طبايع من طوال العكاريش = وفيهم من الطليان تدويج وخــــــوار

قضو على اللحية وحطوا كشاكيش= وقاموا يحنون البراطم والأظفـــــار

البودرة في خدودهم تقل ورنيش = وحطوا باصابعهم خواتم لها أســــرار

جيل خبيث لو يجي فيه تفتيش = ظهر كثير منه أناثي له أذكــــــــار

اللي يســـــمون النشاما شواكيش = أهل اللحى بافكارهم مالهم كــــار

وأهل اللحى صبيان نجد المداغيش =اللي لهم فضل على الضيف والجار

يوم السنين شداد والرزق تنويش = وهم يبوجون الفيافي والأقطــــــــار

ذولا جماميل وذولا قراريش = وذولا لهم دور على قحص الأمهـــــــــار

تلقى الولد مثل الفهد بالمطاريش = على الشدايد حيث ماكان صبـــــــــار

واليوم كثر الخير والأمن والعيش = وقت تساوت فيه الأذرع والأشــــبار

يظهر شبابه ناعم مابعد هيش = فيه الولد يظهر كما عشبة الغـــــــــــار

يمشون بالاسباب مثل الدراويش = وإلى أذن المذن يهجون عــــــــــبار

ماتسمع الا ويش زيك وقد يش = ويطرب إلى أوحى دق عود ومزمــار

عسى شباب مايجي به نغاميش = يحيا حياة الذل وإن مات للنـــــــــــار

فرد عليه شاعر الشبـــــــــاب وقــال :

لقيت بالشارع ثلاثة شواكيش = بيض اللحى وعيونهم همس وصغار

ومعهم عصي يمشون مثل الدراويش = والقمل فيهم له متاريس وجحار

وأبدانهم سود وفيهم مكاريش = وملطخة بزيوت من حك الأظفــــــــــار

لو تسأله بالدين يقول مادريش = يس اللحى وفلوس وبعدين للنـــــــار

الصدق عند شيوخنا اليوم مافيش = ويبون لحاهم مثل عباد الأبقــــــــار

يكذب ولايابه ولو صار قديش = والى فشل يومي براسه كما الفـــــــــار

حنا شباب اليوم جيل مداغيش = قسنا البحر بالسنت وأمتار وأشبـــــــــار

ثم رد شاعرالشيبان حيث قال :

سمعت حس فيه خنه وتشويش = جانا من أشباه النساء علم وأخبار

جانا من أشباه البنات المراييش = بالغنج والتغنيج مع لين الأعمــار

بعض الشباب المايع المنحرف ليش = يبي يسوي له سواليف وأشعار

مسكين ياشاعر وجيه القرابيش = اللي يسبون النشاما والأخيــــــــــار

اللي يسبون الرجال الدهاميش = أهل الكرم والجود في وقت الأعسار

علامة الحرمة تملس وتنقيش = وعلامة الرجال لحيه وكشـــــــــــمار

الشاعر اللي نفش الشعر تنفيش = تنفيش غزل مع نسيم الهوى طـــار

جك المراجل وأختراع ولواليش = وأقمار وبحور غزيرات وأقصـــــــار

يا ـــ لها رنين وخرافيش = ومعهن على هاك اللحى الملس عصــــــــار

كيف أعترفتوا بالردى ياوشاويش = تجون بين السيف والنار والغــــار

مثل الفراش اللي على النار لو حيش = يطيح وسط النار لو صار ماصار

لاتحسبون العلم نقش ونقاريش = العلم للدنيا وللدين نصــــــــــــــــــــار

عشتوا بوقت به تنعم وتنعيش = وانتم ورى العلم الحقيقي ورى قــــــــار

على الردى مثل الحّريم مخاييش = والعلم مامعكم منه غير الأصــــــــفار

الخيش لو يصبغ بقرمز فهو خيش = الأسم خيشه لو ترصع بالأزهـــــــار

كبر العيون وصغرها مايسويش = هدم الشرف والدين هذا هو العــــــــار

والعار عرض المسنده والمفاريش = ومداحـــــــم الأمتـــان مع رص الأزوار

والعار سعي بالمعاصي وتحريش = وتجنب المسجد وبالصوم الأفطــــــار

وترى الشباب النزه يكرم عن الطيش = مااسب إلا كل خايب وخمــــــــــار

يامخالف الأسلام أباأبلشك تبليش = وأحط لك بالسب مدخل ومظــــــــــهار

ماهمني عايش وعياش ومعيش = أنا بعين مخالف الدين مسمــــــــــــــــــار

[همي رضي ربي]

[جموح]

يعطيك العافية اخوي ضامي