مرثية الشاب

[همي رضي ربي]

قصيدة كاتبها واحد سوى حادث وكانت معه أمه في السيارة ، وتوفت الأم بسبب الحادث والولد ماصارفي شئ إلا بعض الجروح ..الله يهدي شباب المسلمين ..فقال لمن يواسيه:


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ماتمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني

فداك القلب يايمه ومهما قلت من الكلمات

صغيره في كبر حقك بس اتمنى تعذرينى

نهبت الفرح من بيتي صحيح اني خسيس الذات

صحيح انى ولد طايش وكل ماأسمعه فينى

يظنوا حزنهم اكبر وهم اصحاب ها لمأساة

وانا اتحدى اذا فيهم ربع ما يحترق فينى

نقص قدري بعد موتك وغابت نشرة اللذات

وصار الهم عكازي اباكيه ويباكينى

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك . باقي سنيني

واترك عادة التدخين وانفذ ماتبي بسكات

واصلى الفجر في المسجد قبل منتي تصحيني

يايمه ارجعي تكفين وطفي حرقة الاّهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابى احدن يواسينى ابيك انتى تواسينى

دخيلك بس لا تبكي اذا شفتى بى الدمعات

انا ما اقوى ابكيك اذا انتى تبكينى


& مـــــــــنــــقـــــولــــــــــه &

[جموح]

سلمت اناملك على هذا النقل الرائع

اصبتي الهدف في نقلك الرائع

بورك فيكي