قصيدة 4×6

[نصراوية والخطوة ملكية]

السلام عليكم ورحمة الله وبركاتة
هذي قصيدة اعجبتني وقلت لازم انقلها لكم لانها جدا جدا رائعة والله يستر لانفتح جروح قديمة
هي طبعا للشاعر الاماراتي فهد المعتوق المعروف بساقي الشوق
اتمنى تعجبكم

ثلاث سنين وانا اخطط لهذا اليوم يابو سعود
تيّــسر حالي وجاهز اوفيّ وعدي بوقته

وفجاءه جتني تتعذر تقول تأخرت الوعود

وانا اسمع ومستغرب كأني وعدها خنته

حسبت انها تمازحني وتتصنّع وفاء وصدود

ضحكت بوجهها من قلب مع انها بايخه النكته

وقالت ارضى بالواقع قلبي ماهو من المعهود

تغّير كل شي صوبك نصيبي ماأظن نلته

كنت في يوم محبوبي لكن ماظن بيوم تعود

وصل من قبل ماتوصل وانا ذاك الصبر عفته

ولكن تكفى صدقني ويشهد ربي المعبود

ترى ماخنتك بغفله ولا كلمته وشفته

صراحه اهلي قالوا لي بأنه ولد اصل وجود

وجتني امه بالصوره وبكلمات المدح اخته

سكت وقلت لي فرصه مادام الجود بالموجود

وقالوا كل من حولي علامات الرضاء سكته

وانا فكرت دام امه واخته ماعليهم زود

اكيداني باراضيهم اذا وافقت واخترته

واراضي اهلي واخواني دام ان الفرح مقصود

عطيت الناس انا كلمه ومعاهم وقتي حددته

ولا اقدر اغيرها ترى عند العرب منقود

اوافق واعتذر باكر واقول اراي غيرته

تبي تشرح المنقود..تصدق عاد يابو سعود

تبيني اقتنع وارضى بحالٍ عمري ماعشته

انا ماني بقايلها عسى يفرش ثراها ورود

بعدما حطمت قلبي وطعم الموت جربته

عسى بفستانها اشواك وفي ثوبه عقارب سود

ونار تحرق الكوشه وتحرق بيتهم حتى!

وموت بليلة الدخله يبــّرد حرتي ياكود

ولاأحس انها بحضنه يلامس خد لامسته

عليّ اهون اذا ماتوا ولا بنفس السرير رقود

ترى صعب علي اتخيل اللي ماتخيلته

وعسى قاع الثرى يقسى ويتحول صخر جلمود

واحد طاري القبر يرفض يسوي فوق مقبرته

ترى دفنك عديم الذات تلوّع حتى كبد الدود

ومن خان العهود ومات تعافه حتى مقبرته

عسى ربي يجازيهم بحبلٍ من مسد ممدود

يعلقهم من اطرافه وفوقه نار ومن تحته

انا ماني حقود وشين ولاني من نسل نمرود

ومن حط نفسه بوضعي يقول اللي انا قلته

مادام الفعل له ردة فعل والله ابشري بالردود

بدعي دامني حي واغرس للدعاء نبته

بسقيها نزيف القلب ودمع مارحم الخدود

وتكبر والثمر ثاري من اللي خانني وصنته

انا نذرٍ علي اكتب وافّجر هالقصيد رعود

واسمّــع كل بشر صوتي عجبته ولاّ زعلته

واردد للي يسمعني اذا حبيت (حط حدود)

انا حبيت دون حدود وشوف اللي تكبدته

ثلاث سنين انا ابني وجت صوره بكل برود

خذت مني شقى عمري وحلم قلت حققته

ثلاث سنين انا اخطط لهذا اليوم يابو سعود

وتوافق من كلام اخته وصوره اربعه في سته.



تحيــــــــــــــــــــــاتي

[الشامخ]

الاخت نصراوية والخطوة ملكية
فعلاً من اجمل القصائد التي قرائتها وسبق لي ان سمعتها وكانت قمة في كل شي
وشكراً على هذا التميز

[حمامة السلام]

مشكورة أختي
يعطيك ألف عافية
والله ليه فترة أدور على هالقصيدة
ويشرفني أكون أول وحدة أرد

[حمامة السلام]

أوه آسفة ماأنتبهت على بالي أول وحدة
يالله خيرها في غيرها
ههههههه

[نصراوية والخطوة ملكية]

مشكوووور يالشامخ من جد هي من اجمل القصائد وعجبتني مرة