كله غلا ياويلي أثر الغلا شين

[همي رضي ربي]

هذه القصيدة كتبها الشاعر فهد المفرج في ابنته ريوف
التي توفيت أمها وهي صغيرة لم تتجاوز السنتين
وسبب كتابة القصيدة أن خالات ريوف
طلبوا منه أن يتركها تنام عندهم ليلة
فوافق وعندما جاء ينام لم يستطع النوم
لأنه تعود أن تنام في حضنه
فكتب هذه القصيدة

ياريوف ياعلك بحالي تروفين
لاقل شوفي وانحنت بي عصايه
يمين من نزل تبارك وياسين
انك قمر عمري وكوكب فضايه
أدراك بالخاطر وأعاملك باللين
وأرجي من الله مايخيب رجايه
أحب من حبك وأعادي المعادين
وأدعي لك الله بالستر والهداية
فقدتك البارح وجريت صوتين
هذي وهي ليلة وعندي أنسبايه
كله غلا ياويلي أثر الغلا شين
والله أســــــاله لايبين غلاية
من حبها حبيت كل الصغيرين
صارت محبتهم بقلبي هواية
علمتك الممشى على شان تمشين
وأشد بالثنتين وأقصر خطايه
وليا بكيتي قمت أهلل وتصغين
وأحيان أغني لك وأردد غنايه
يضيق صدري لاسمعتك تونين
وأجر صوتي من خلاي بخلايه
وإن جيت أبقفي عنك لديت بالعين
الدرب قدامي وأطالع ورايــــــــه
رد الوفى ياريوف مابيه هالحين
أبيه لاشتدت عليه رحايــــــــــه
أبيه لامن صارت العشر ثنتين
وليا تركوني عزوتي وأقربايه
أبيه لامنه غدى الليل ليلين
وأشتدت الأيام واظلم سمايه
أبيه لا عزوك فيه المعزين
تدعين رب البيت يغفر خطايه
وليا كتب ربي فراق المحبين
ثم أدفنوني لابتي وأصدقايه
توك صغيرة سن منتي بتدرين
والعالم الله وش تكون النهايه
اما التفتي لي وزين على زين
ولا رميتيني بدار الرعايه

واتمنى ان تعجبكم

[دنيــا غ ــداره]

ختيييييييييير



الله يوفقها ,, والله فقد الأم شي مو سهل

تحياتي ..

[همي رضي ربي]

[الـــدانـــة]

الله يعطيك العافية